O vindeiro domingo na Catedral pregón da Semana Santa tudense a cargo de Marta Cendón Fernández



A Asociación de Amigos da Catedral de Tui, xuntamente coa “Hermandad del Dulce Nombre de Jesús y Santa Casa de Misericordia”, impulsan unha nova iniciativa para a promoción e valorización da Semana Santa tudense. E así como anuncio e apertura dos actos litúrxicos destas tradicionais celebracións tudenses este ano se suma a novidade da celebración do “pregón” desta efeméride, que nesta primeira ocasión correrá a cargo da profesora da Universidade de Santiago de Compostela, Marta Cendón Fernández.
A lectura deste pregón terá lugar o vindeiro domingo 25 de marzo ás 18,00 horas na Santa Igrexa Catedral de Tui e, de seguido, haberá un pequeno concerto de violín a cargo das tudenses, Sara e Raquel Areal Martínez, que a pesares da súa xuventude posúen xa unha prestixiosa traxectoria musical.
O propósito das entidades organizadoras é contribuír á promocións dos actos litúrxicos e, nomeadamente, as procesións e outros elementos que identifican, dende hai séculos, a Semana Santa tudense. Estes actos reúnen xuntos aos desfiles procesionais outros elementos paralitúrxicos ou parateatrais de fonda tradición na nosa cidade, como é a horta das Oliveiras ou os sermóns do Encontro e o Desencravo. Certamente estes aspectos resultan os máis singulares da Semana Santa tudense que unidos aos desfiles procesionais, onde saen singulares tallas -salientando a popular Dolorosa de Agustín Querol- e ao excepcional marco destes cortexos polas vellas rúas do conxunto histórico converten á Semana Santa tudense nun excepcional acontecemento que une fe, arte e cultura.
A fundamental dimensión relixiosa destas tradicións da Semana Santa non reduce as súas dimensións culturais e mesmo turísticas que posúen estas seculares costumes que cómpre conservar como testemuña dunha historia e como identificadoras da vida da nosa cidade.

Marta Cendón Fernández (Tui, 1966) é na actualidade profesora titular de Historia da Arte na Facultade de Xeografía e Historia da Universidade de Santiago de Compostela, sendo a Catedral tudense un dos principais temas dos seus estudos e investigacións. Posúe un amplo conxunto de publicacións que acreditan a súa capacidade. Foi pregoeira das Festas de San Telmo no ano 2002, membro do Consello de Fábrica na Catedral de Tui e Vice-presidente o Instituto de Estudios Tudenses dende o ano 2007.

Comentarios

Entradas populares de este blog

CONCIERTO EN LA CATEDRAL DE TUI DEL “IMPERIAL COLLEGE CHAMBER CHOIR” EL PRÓXIMO MARTES 26 DE SEPTIEMBRE

Pieza del mes de noviembre 2011: Virgen de la Expectación

Eduardo Cadenas y Dolores Balseiro distinguidos con la orden pontificia de San Gregorio Magno

Pregón da Semana Santa de Tui do ano 2024 polo profesor Xosé María Lores Pérez

Altar de la Expectación